जसले जिते पनि एक सयभन्दा बढी फरक नहुने संकेत
३० असार, काठमाडौं । नेकपा एमालेको नयाँ नेतृत्वका लागि भएको निर्वाचनको मतगणनाका लागि आधाभन्दा बढी मत गनिसक्दा माधवकुमार नेपालले एक पदाधिकारीबाहेक सबै १३ पदमा आफ्नो प्यानलको अग्रता दिलाएका छन् । बुथ नम्बर १,२ र ३ को १२ सय ९१ मतगणना गरिसक्दा नेपालले ६ सय ४१ र केपी ओलीले ५ सय ९३ मत प्राप्त गरेको एमालेको निर्वाचन आयोगले जनाएको छ ।
पाँचै उपाध्यक्ष, महासचिव र उपमहासचिवमा पनि नेपाल पक्षले अग्रता लिएको छ भने पाँच सचिवमध्ये ओली पक्षका प्रदीप ज्ञवाली बाहेक चारैजना नेपाल पक्षका अगाडि छन् । मेचीदेखि नारायणीसम्मको मतगणना गरिसक्दा माधव नेपाल पक्षले अपेक्षित अग्रता लिएको छ । तर, सोचेअनुरुप अग्रता लिन नसक्दा गण्डकी पश्चिमको मतमा ओली पक्षले नेपाललाई चुनौती दिने सम्भावना छ ।
हालसम्म मेची, कोशी, सगरमाथा, जनकपुर, वागमती, उपत्यका, नारायणी, केन्द्रीय कमिटी, सल्लाहकार, जेष्ठ कम्युनिस्ट मञ्च, केन्द्रीय निकाय र भातृ संगठनहरुको मतगणना लगभग सकिएको छ । अब गण्डकी,, धौलागिरी, लुम्बिनी, राप्ती, भेरी, सेती, कर्णाली, महाकाली र प्रवासको मत गन्न बाँकी रहेको निर्वाचन आयोगले जनाएको छ । अब करिव ८०० मत गन्न बाँकी छ ।
गण्डकी, लुम्बिनी, भेरी र राप्तीमा ओली पक्षले अग्रता लिने अपेक्षा गरेको छ भने सेती, महाकाली र कणर्ालीमा नेपाल पक्षले अग्रता लिने अपेक्षा गरिएको छ । प्रवासको मतमा दुवै पक्षको अन्तर दुईमात्र देखिन्छ । अध्यक्षमा कम्तिमा ३५ मत दुबैलाई नदिएको अवस्थामा खाली भेटिएका छन् भने महासचिवमा पनि केही मत त्यस्ता भेटिएका छन् ।
त्रिशुली र नारायणी पूर्वको मत गणनापछि केहीबेर पदाधिकारीको गणना रोकेर केन्द्रीय सदस्यहरुको मतगणना शुरु भएको छ । दुबै मतगणना एकैपटक सकेर अन्तिम नतिजा निकाल्का लागि यसो गरिएको हो । मतगणनामा सहभागीका अनुसार अधिकांश मत प्यानलमा खसेका कारण जसले अध्यक्ष जित्छ केन्द्रीय कमिटीमा उनी प्यानलका अधिकांशले जित्ने अवस्था देखिएको छ । हालसम्म १२ सय ९१ मत गणना भइसकेका छन् । अब करीव ८ सय मत गन्न बाँकी छ । जसले जिते पनि एक सयभन्दा माथिको फरक नहुने संकेत देखिएको एक नेताले बताए ।
यस्तो छ मत परिणाम-
| अध्यक्ष | माधवकुमार नेपाल | ६४१ | केपी ओली | ५९३ |
|---|---|---|---|---|
| उपाध्यक्ष | युवराज ज्ञवाली | ६८८ | वामदेव गौतम | ६३६ |
| अष्टलक्ष्मी शाक्य | ६७३ | विद्या भण्डारी | ६३० | |
| भीम रावल | ६९० | प्रदीप नेपाल | ५८० | |
| राजेन्द्र पाण्डे | ६६३ | किरण गुरुङ | ५७२ | |
| लालबाबु पण्डित | ६५५ | धर्मनाथ साह | ५४४ | |
| महासचिव | सुरेन्द्र पाण्डे | ६६२ | र्इश्वर पोखरेल | ५८६ |
| उपमहासचिव | घनश्याम भुषाल | ६९४ | बिष्णु पौडेल | ६१८ |
| रघुजी पन्त | ६३२ | शंकर पोखरेल | ५९१ | |
| सचिव | गोकर्ण विष्ट | ७७६ | प्रदीप ज्ञवाली | ६४१ |
| परशुराम मेघी गुरुङ | ७७६ | पृथ्वीसुब्बा गुरुङ | ५८२ | |
| योगेश भट्टराई | ६८७ | बिष्णु रिमाल | ५७१ | |
| भीम आचार्य | ६६४ | रघुवीर महासेठ | ५३२ | |
| बेदुराम भुसाल | ६३० | केशवलाल श्रेष्ठ | ५०५ |
0 comments:
Post a Comment