थम्मन थापा , बुर्तिबाङ भदौ २।
जिल्लाको रिघा देखी मल्म हुँदै पाण्डवखानी जोड्ने करिव ५ किलोमीटर गोरेटो बाटो मर्मत कार्य आज सम्पन्न भएको छ । वर्षा याम शुरु भएसँगै बाटोको ठाँउठाँउमा पहिरो गई बाटो अबरुद्ध भएको बाटो लाई भर्याङ सामुदायीक बन उपभोक्ता समुह, रिघा वडा न १ र २ पाण्डवखानी ३ र ४ को पहलमा उक्त गोरेटो बाटो मर्मत गरीएको सामुदायीक बनका अध्यक्ष ज्ञान बहादुर कार्कीले जानकारी दिनुभएको छ । गोरेटो बाटो बिग्रीए पछि ३ ओटा गाविसका स्थानिय बासीलाई आवतजावत गर्न र बनबाट घाँस दाउरा ल्याउनकालागी समस्या हुँदै आएको थियो । उक्त गोरेटो बाटो मर्मतका लागी ३ गाविसका करिव ७० जनाको सहभागीता रहेको थियो । गोरेटोबाटो मर्मत गरिए सँगै जिल्लाको खर्बाङ, रिघा, मल्म, हुदै पाण्डपखानी सम्म आवतजावत गर्ने पैदल यात्रिलाई सहज हुने बताईएको छ ।
साथै जिल्लाको काँडेबास ३ पचुवा स्थित शिव उच्च माध्यमीक बिध्यालयमा कक्षा १० मा अध्ययनरत भिम सुनार शैक्षिक सामग्री प्रर्दशनमा प्रथम स्थान हाँसील गर्नुभएको छ । यही भाद्र १ गते स्रोत केन्द्र स्तरीय प्रतियोगीतामा १४ जना प्रतिष्पर्धीलाई पछि पर्दै तथा अषाढ ६ गते बाग्लुङ जिल्लामा पनि ६५ जनालाई पछि पार्दै बिजेता बन्नुभएको हो । बिजेता सुनारलाई आज एक कार्यक्रमका बिच बिध्यालय व्यवस्थापन समिती अध्यक्ष भिमलाल कँडेलले नगद रु ३ हजार प्रदान गर्दै आगामी दिनमा अझ धेरै प्रगती गर्न शुभकामना समेत दिनुभएको छ ।
About Unknown
0 comments:
Post a Comment