प्रेम सुनार
गुल्मी, भदौं–१८ । गए राती गुल्मीको सदरमुकाम तम्घास नजिकै ट्रक दुर्घटना हुँदा यहाँका एक व्यापारिकको २२ लाख भन्दा बढि मुल्य वरावरको एपोलो पेन्टस् लगायतको सामग्री भिरमा छरपस्ट भएको छ । चितवानको भरतपुरबाट तम्घास भुसाल टे«डिङ्ग कन्र्सनका लागि उक्त मुल्य वरावरको एपोलो पेन्टस लिएर आएको ना ३ ख ५७८१ नम्वरको ट्रक रे.न.पा.–१४ साविकको दुविचौर छापटोलामा गए राती करिव २ वजेको समयमा घुम्ती काट्न नसकेर पल्टेको हो ।
मानविय क्षति हुनबाट भने बचेको छ । उक्त स्थानमा अहिले सम्म ५ वटा सवारी साधन दुर्घटना भई सकेको छ । साँघुरो घुम्ती भएका कारण त्यसरी त्यहाँ पटक पटक दुर्घटना हुँदा पनि सम्वन्धीत निकायले उक्त स्थानमा पर्खाल निर्माण गर्ने तर्फ ध्यान नदिदा फेरी अर्को सवारी साधन दुर्घटना भएको छ ।
स्मरण रहोस त्यस रिडी तम्घास सडक खण्ड गत वर्ष करोडौंको लागतमा सडक डिभिजन कार्यालय पाल्पाले मर्मत सम्पन्न गर्दा पनि त्यस स्थानमा पर्खाल निर्माण लगायत दुर्घटना हुनवाट बचाउने तर्फ ध्यान दिएन् । ‘पटक पटक त्यस स्थानमा सवारी दुर्घटना भएको छ तर सडक डिभिजन कार्यालयले गत वर्ष करोडौंको लागतमा मर्मत गर्दा समेत ध्यान नदिदा फेरी अर्को दुर्घटना भयो’–नेपाल पत्रकार महासंघका सचिव तारा भुसालले भने–‘ सञ्चार माध्यमले उसको ध्यानकृष्ट गराई दिन जरुरी भएको छ ।’
उक्त ट्रक अहिले सम्म निकाल्न नसकिएको उक्त पसलका मालिक समेत रहेका भुसालले बताए । ‘२२ लाख भन्दा बढि मुल्यको एपोलो पेन्टस , ईनामेल, डिस्टेम्वर लगायतको सामानहरु ल्याईएको थियो – भुसालले भने– ’ ठुलो क्षति भयो त्यो भन्दा पनि ट्रक निकाल्न नसकेर मुस्कील परेको छ । ’
तस्वीरः समाचार सहयोगी सन्तोष सगुन
About Unknown
0 comments:
Post a Comment