२८ भदौ, साउदी अरब । साउदी अरबको दमाममा नेपालीहरुलाई पासपोर्ट सहजीकरण अभियानको क्रममा प्रहरीले दूतावास कर्मचारीलाई नै पक्राउ गरेको छ । साउदीस्थित परराष्ट्र मन्त्रालयको स्वीकृतिविना पासपोर्ट संकलन गर्ने गरेको आरोपमा प्रहरीले दूतावासका कर्मचारीसहित एनआरएन सदस्य तथा सेवाग्रहीहरुलाई समेत पक्राउ गरेको एनआरएन साउदी अरबले जनाएको छ ।
दूतावासकै सहकार्यमा एनआरएनए साउदी अरबले सेवाग्रहीहरुको सुविधाका लागि ३६ हप्तादेखि पासपोर्ट सहजिकरण अभियान सञ्चालन गरेको छ । सोही अभियानको क्रममा अपार्टमेन्टमा रहेको कार्यकक्षबाटै नेपाली दूतावासका पूर्वी क्षेत्रका स्थानीय कर्मचारी हरी घिमिरेलाई पक्राउ गरेको थियो ।
लामो समयदेखिको पासपोर्ट सहजीकरण अभियानबाट नेपाली कामदारहरुले सहज सेवा पाउँदै आएका छन् । शनिवार प्रहरीले हस्तक्षेप गरी एनआरएनए एलसिसी दमामका अध्यक्ष बिल्टु मुखियालाई समेत पक्राउ गरेको थियो ।
परराष्ट्र मन्त्रालयसंग सँग वार्ता तथा सहमति एवम् समय तोकेर मात्रै काम गर्न र सिटी सेन्टरमा भिड नजुटाउन चेतावनी दिदै दुवै जनालाई प्रहरीले एक घण्टा नियन्त्रणमा लिएर छाडेको थियो ।
प्रहरीले यो धरपकड गर्दै गर्दा अन्य स्वयमसेवकहरू मोहन केसी, बालकृष्ण पंगेनी र भोला पौडेल पनि घटनास्थलमै थिए भने धरम केसी अपार्टमेन्ट प्रबेश गरेका थिए ।
एनआरएनएको सो अभियानबाट शनिवार दमाममा शंकर श्रेष्ठले अलहासाका ५ जना तथा कमल थापाले भरेका एक जनासहित शनिवार दिउँसो सम्ममा एक ५० भन्दा बढी एमआरपी पासपोर्ट सोही स्थानबाट बाडिएको एनआरएन साउदी अबरले जनाएको छ ।
सेवा ग्रहीको भिड नियन्त्रण तथा ब्यवस्थि तगर्नका लागि आफूहरुले कुटनीतिक पहल गरी उत्पन्न समस्याको निकास खोजिने दूतावासका नियोग उप प्रमुख तथा एनआरएन फोकल प्वाइन्ट हरिश्चन्द्र घिमिरेले बताए ।
पासपोर्ट सहजिकरणमा साउदी अरबमा हालसम्म खटिइ आएका प्रायः सबै स्वयमसेवकहरू ‘एनआरनकर्मीहरू’ रहेका छन् । जोखिमको सम्भावनालाई न्युनिकरण तथा स्वयमसेवकहरूलाई सुरक्षा प्रदान गर्न एनआरएनएले नेपालको परराष्ट्र मन्त्रालयलाई समेत पत्राचार गरेको थियो ।
परराष्ट्र मन्त्रीको सहमति र निर्देशन हुंदा समेत साउदीमा सुरक्षापत्र स्वयंसेवी एनआरएनकर्मीहरूले प्राप्त गर्न नसकेको एनआरएनए साउदी अरबले जनाएको छ ।
परराष्ट्र मन्त्रीको सहमति र निर्देशन हुंदा समेत साउदीमा सुरक्षापत्र स्वयंसेवी एनआरएनकर्मीहरूले प्राप्त गर्न नसकेको एनआरएनए साउदी अरबले जनाएको छ ।
त्यस्ता स्वयमसेवकहरूको पहिचान र परिचालन यस नियोगको बर्तमान नीति र निर्णयमै नभएको राजदूत उदयराज पाण्डेयले बताए । साउदी सरकारले पनि मुश्किलले जेद्धामा जनरल कन्सुलेट खोल्न दिएको तथा दमाम क्षेत्रमा एक जना कर्मचारीलाई लुकाई छिपाई राखेको जानकारी दिदै राजदूत पाण्डेले दमाममा दूतावासको कुनै पनि कार्यालय वा सेवा केन्द्र खोल्न साउदी सरकारले स्वीकृति नदिएको बताए ।
एनआरएनएको संस्थागत स्वयंसेवाबाट जुबैलमा १७ जना, ताबुकमा ४५ जना, अल कासिममा १८९ जना र दमाममा दुई हजार ४ सय २७ जना गरी दुई हजार ६ सय ७८ जनाले साउदीबाट सेवा लिएको बताइएको छ ।
0 comments:
Post a Comment