प्रेम सुनार ।
गुल्मी साउन १५ । गुल्मीको रेसुङ्गा नगर पालिकाको एक टोलमा पठाईएको सरकारी पोल वितरण गर्दा एक समाज सेवी भनिनेले घुस लिन खोजेको खुलसा भएको छ । रेसुङ्गा नगर पालिका वडा नम्वर–६, साविकको अर्खले–१ ठुला चेक्मीका मोतीलाल मरासीनीले घुस लिन खोजेको खुलसा भएको हो । उनले माथी बुझाउनु पर्छ भन्दै प्रतिपोल ५ हजारका दरले घुस लिने अभियान गाउँमा चलाएको मावाईल रेकर्ड मार्फत सुईको पाए पछि आज गाउँवासी उत्रिएर उनलाई सार्वजानिक माफी मागाएको भेलाका सहभागिले बताए ।
नेपाली कांग्रेसका कृष्ण मरासनी, नेकपा एमालेका गोपाल सुनार, एकिकृत नेकपा माओवादीका रामप्रसाद मरासनी लगायत स्थानिय राजनैतिक दलका नेताहरु र महिला समुहको भेलामा मरासनीले एक जना कामदार मार्फत दुई जना महिलाहरु संग पेश्की स्वरुप केहि रकम समेत लिएको खुलेको छ ।
उनले एउटै नाम थर भएका स्थानिय महिला लक्ष्मी मरासनी मध्ये एउटी संग ४ हजार र अर्की संग १ हजार ४ सय रुपैयाँ कामदार मार्फत लिएको स्वीकार गर्दै उक्त रकम सम्बन्धितलाई बुझाउन लगाएका थिए । सो कुरा माथी नबढाउने गाउँमैं गुपचाप पार्ने भन्दै मरासनीलाई माफी माग्न लगाएर छाडेको भेलामा सहभागि एकले बताए ।
‘के गर्ने यस्ता डर लाग्दा कुराहरु अझै पनि गाउँ मैं गापचुप पार्ने चलन हटेको छैन् ’ उनले भने –‘कतै सुईको नदिने भनेका छन तर त्यसो गर्दा समाजमा यस्तो प्रबृद्धिले बढवा पाउने हुँदा सचित गर्दै छु ,नाम भने गोप्य राखी दिनु होला । ’
यस समाचारको आधिकारिक पुष्टाईका लागि नेपाल विद्युत प्राधिकरण गुल्मी वितरण केन्द्र प्रमुख सुरेन्द्र चौधरी संग सम्पर्क राख्दा उनले पनि गल्ती गर्ने ब्याक्तीले पैसा फिर्ता गरेको र माफी मागेर सल्टाईको जानकारी आफुलाई आएको बताए ।
‘पोल गाडे पावत एक पैसा लिन पाईदैन् हामीले ठेकेदार माफर्त गराउँ छौं, हामीले तोकेको ठेकेदार लेखबहादुर कार्की हो उनका केटाहरुले त्यस्तो गल्ती गरेका रहेछन् , माफी माग्नै पर्छ’–चौधरीले भने ।
उनका अनुसार त्यस अर्खलेमा सवै गरी १ सय २५ वटा पोल गएका छन् । त्यस चेक्मी गाउँमा मात्र के कति पोल गएका छन् भन्ने कुराका लागि भने उनले फाईल नै हेर्नु पर्ने बताए । अर्खलेको यो घटनाले सिंङ्गो जिल्लाभर सरकारी विद्युतका पोल वितरण गर्दा समाजका सिमित मानिसहरुले राजनैतिक जस लिन र सर्व साधरणबाट गोप्य रुपमा रकम समेत लिने चलखेल गर्दो रहेछन् कुराको खुलसा भएको छ ।
0 comments:
Post a Comment