प्रेम सुनार
गुल्मी, साउन– २८ । गुल्मीको धुर्कोट वस्तुमा राजनैतिक सचेतना र महिला हिंसा न्युनिकरणमा दलित महिलाहरु विच अन्तरकृया कार्यक्रम सम्पन्न भएको छ । दलित महिला संघ , गुल्मीको आयोजनामा भएको छलफल तथा अन्तरकृया कार्यक्रममा वस्तुको १ देखि वडा नम्वर ९ सम्मका दलित महिलाहरु सहभागी भएका थिए ।
दलित महिला संघको केन्द्रिय कार्यालयकी कार्यक्रम संयोजक रञ्जीता परियार र रक्षा रिजाल , संघको गुल्मी शाखाबाट पुगेका अध्यक्ष कमला वराल, कोषाध्यक्ष माया चुँदारा, ममता चुँदारा र सरस्वती सुनार लगातले सहजीकरण गरेका थिए ।
दलित महिला हिंसा न्युनिकरण तथा राजनैतिक सहभागीता बृद्धि परियोजना अन्तरगत वस्तुका दलित महिलाहरुका विचमा उक्त कार्यक्रम सञ्चालन गरिएको दलित महिला संघकी अध्यक्ष कमला वरालले बताईन् ।
कालिका दलित महिला संघ वस्तुकी अध्यक्ष सरस्वती सुनारको अध्यक्षता रहेको कार्यक्रममा कल्पना सुनारको स्वागत मन्तव्य र मिना नेपालीको सञ्चालन रहेको थियो । तस्वीरः कार्यक्रम पछि सामुहिक तस्वीर खिचाउँदैं संघबाट पुगेका अगुवा महिलाहरु
0 comments:
Post a Comment