प्रेम सुनार
गुल्मी, साउन–९ । जिल्ला प्रशासन कार्यालय गुल्मीले तम्घासमा आज गरेको वजार अनुगनमका क्रममा ठुलो परिणाममा म्याद नाघेको मिट मसाला जफत गरेको छ । सहायक प्रमुख जिल्ला अधिकारी गौरव पन्थीको नेतृत्वमा भएको वजार अनुगमनले तम्घासका ठुला पसलहरुबाट उक्त वस्तु अखाद्य भएको भन्दै जफत गरिएको हो ।
त्यस्तै वजार अनुगमनका क्रममा तम्घासका केहि मासु पसललेहरुले फ्रिजमा नराखी मासु बेच्ने गरेको पाईएको छ । दिनै भर मासु खुल्ला राख्ने जसले गर्दा झिंगा भन्कीने र दुर्घन्ध आउने हुँदा तत्काल सुधार गर्न लगाइएको छ । सहायक प्रमुख जिल्ला अधिकारी गौरव पन्थीले भोली देखि त्यसरी पाखै राखेर बेचेको पाईए उक्त मासु खोलामा बगाई दिने चेतावनी समेत दिएका छन् ।
कतिपय किराना पसलेहरुले फलफुल र तरकारी पनि बेच्ने गरेको प्रति प्रशासनले उक्त कार्य तत्काल बन्द गर्न लगाएको छ । कि तरकारी र किराना पसले दुई दर्ता गर्ने अन्यथा किराना पसलले तरकारी राख्न नपाउने सहायक प्रमुख जिल्ला अधिकारी पन्थीले सुझाव दिएका छन् ।
विगतको तुलनामा अन्य खाद्य वस्तुमा भने त्यस्तो केहि फेला परेको छैन् । पटक पटक प्रशासनको अनुगमन र व्यवसायी स्यंम पनि सचेत बन्दै गए पछि तम्घास बजारमा सुधार आएको छ । अनुमन कार्यक्रममा सहायक प्रमुख जिल्ला अधिकारी पन्थी, गुल्मी उद्योग वाणिज्य संघका वरिष्ठ उपाध्यक्ष दुर्गाप्रसाद पाण्डे, प्रहरीहरु र पत्रकारहरुको तर्फबाट यसै समाचारदाता सहभागी थिए ।
0 comments:
Post a Comment